مش أنا, وعايزنى ارجعلك؟؟؟

مش انا اللى انت بتدور عليها
ولا انا اللى راجع تحلم بيها
انا كنت ملكك زمان
حبيتك حب كان
وكان يعنى انتهى
ولكل فجر ادان
مش من حقك تحلم بيا
وللا تفكر ترجع ليا
خلاص بقالى حب تانى
بقاله زمان عايش عشانى
اما انت اصبحت ذكرى
مش بتمناك لبكرى
كان فين حبك من سنين
فجأه عرفت معنى الحنين
دا لو كل القلوب بتحب
ومش فاضل غير قلبك
خلاص مش عايزه احب
ولا يلزمنى حبك
انت كنت ماضى جارح
ازاى افكر فى امبارح
انا بشكر ربنا انى خلاص نسيتك
ازاى راجع تسألنى ومعترف ان انا حبيتك
ولما انت عارف انى حبيتك ليه سبتنى
ولما انت عارف انى اشتريتك ليه بعتنى
خلاص مابقاش بإديا
بعد ما بكيت عنيا
اصلك لو شفت حالى
يوم ما قلتهالى
ماكنتش جيت النهارده
علشان ترجع ليا
وتمد اديك لاديا
اصلك لو شفت دموعى
يوم ما حرقت شموعى
ماكنتش جيت النهارده
عشان تسال عن حبى
عشان ترجع لقلبى
اصلك لو شفت جراحى
يوم مانهارت افراحى
ماكنتش جيت النهارده
عشان نرجع من تانى
وتسال عن حنانى
اصلك لو كنت سمعت صوتى
لما صرخت وكان يوم موتى
لما باديك كتبت النهايه
لما قتلت اجمل حكايه
ماكنتش جيت وعايزنى ارجعلك
ماكنتش جيت وطلبت اسمعلك
بس برافو عليك
جه الوقت عشان احييك
واقول رأيى فى التمثليه
ليك منى اكبر تحيه
مثلت دور الخداع
بكل فن وابداع
برافو عليك اتقنت دورك
واللى ساعدك كان غرورك
بس خلاص صدقنى
شفت المسلسل مره
جربت اللعبه المره
ودقت كل المرار
كان دورى الانهيار
وانت برافو خدت البطوله
نجحت بدرجه مش معقوله
ولكن بكرى هتشوف
دى بس مجرد ظروف
لو النهارده ليك
بكرى هيكون عليك
واديك رجعت ندمان
تتمنى يوم من زمان
لكن انا مش عايزه اشوفك
فحياتى ثانيه
والله لو باديا
كنت اسبلك الدنيا
خلاص بقى انسانى
ياما كنت سبب احزانى
مش عايزه اشوفك قصادى
يا اصعب صوره من الماضى